السلام..
مبارح قاعد بالسهرة مع رفيقي …وطول السهرة ونحنا نحكي عالسلام مع اسرائيل …ممكن او لاء…
شو يعني السلام مع اسرائيل؟؟
هل من الممكن يجيي يوم من الأيام يصير في سلام بين سوريا واسرائيل؟؟؟
هالفكرة بالنسبة إلي غير مقبولة أبدا!!…ليش؟؟؟
في كتيييير اسباب بتخليني اعتقد بعدم موضوعية هالفكرة …
معقول يجي يوم يصير فيه سفارة اسرائيلية بسوريا؟؟..يا أخي مو معقول هالحكي ..
معقول تشوف علم اسرائيل عم يرفرف على واجهة بناية او مكتب السفارة ..؟؟؟
معقول يجي يوم يروح فيه جارنا سياحة على اسرائيل؟؟؟
معقول يقرا طالب منهاج كامل ما فيه كلمة العدو الاسرائيلي؟؟؟
معقول نسلم بشرعية قيام اسرائيل على ارض فلسطين؟؟؟
معقول يجي يوم سلم فيه على صديق اسرائيلي؟؟؟
معقول يجي يوم نشوف على خريطة الوطن العربي فلسطين صارت شقفتين (غزة والضفة)بس والباقي دولة اسرائيل؟؟؟
معقول يجي يوم يصافح فيه رئيس الجمهورية الدكتور بشار رئيس الكيان الصهيوني ؟؟؟
معقول ننسى بيوم من الأيام الدماء والشهداء والأسرى اللي راحو بحروبنا مع اسرائيل؟؟؟
معقول تنحذف كلمة الاحتلال الصهيوني من عقلنا؟؟؟
يا أخي مو معقول لاء…
وإذا بيصير هالسلام رح انقلع من بلدي وروح على أي بلد تاني…
أنا مع فكرة حسن نصر الله اسرائيل ستمحى بإذن الله …يا أخي إذا كل العالم بيعمل سلام مع اسرائيل فرداً فرداً أنا ما بعمل معها سلام…
لك على أي أساس بيصير سلام ؟؟؟؟الواحد فينا طول عمرو بيقرا انو اليهود اللي بفلسطين اجو من اوروبا وآسيا واميركا وافريقيا وقعدو وعملو عصابات واحتلو مدن واقامو دولة(على رأي البعض) بقوة السلاح والمال والدعم الغربي…
كيف جايين هلق تقلولي انو في سلام؟؟؟؟
لا ما في لا سلام ولا بلوط ….
اسرائيل ستزول عن الوجود إن شاء الله
دمتم بخير