البني آدم والسيارة!!
اليوم الصبحيات كالعادة قاعد بالمحل …بإيد كاسة متة و بالتانية سيجارة..عم دور على شي شغلة اتسلى فيها …التلفزيون فاضي والملل قاتل..
بتمر من قدام المحل جارتنا ..دكتورة قلبية معرمة بهالسيارة وما حدا قدها..بتفتح الباب وبتقلي(صباحو علوش ما جبتلي بودرة الساموا اللي وصيتك عليها..)…
رديت عليها التحية وقلتلها جبتها دكتورة تفضلي نكسبك بفنجان قهوة وبتاخدي البودرة معك…
قالتلي ..(هلا والله ما فيني آخدة السيارة عالكومجي ..عم تحمى كتييير وما عم لحقلها مي..بمر عليك المسا باخد الغراض..باي)……..الله معك..
رجعت قعدت ..هالدكتورة حبابة ومحترمة كتييير ….شوي شوي صرت فكر ..شو الفرق بين الدكتورة والكومجي ..الدكتورة بتصلح البشر والكومجي بيصلح السيارات …
طيب شو الفرق بين البني آدم والسيارة …الفرق انو البني آدم بيركب بالسيارة بينما السيارة ما بتركب عالبني آدم..
بس كمان السيارة اذا ضربت بني آدم ومات بيدفع صاحبها شي مليون ليرة حق دم القتيل ..
اما اذا بني آدم ضرب السيارة بحيط وماتت السيارة ..ممكن تكلف صاحبها مليون واتنين وتلاتة..
هون طلعت غنية جورج وسوف طبيب جراح..انا بحبو لابو وديع فقمت سخنت ابريق المتة وشعلت سيجارة ..واتسمعت عالغنية …على رواااااااااق
بعد ما خلصت رجعت حوص على نفس الموضوع……
طيب الدكتورة غنية والكومجي غالبا على قد حالو …ليش ؟؟…مو تنيناتون شغلتهون التصليح؟؟؟
فكرت بالموضوع بس طلعت بعد هالتفكير بنتيجة انو الدكتورة بتستاهل تاخد مصاري اكتر من الكومجي…ليش؟؟؟
لانو الكومجي بيصلح السيارة هيي ومطفية ..اما الدكتورة فبتصلح المريض مشان ما ينطفي!!
يعني البني آدم بينطفي مرة وحدة بحياتو ..وقت يموت..
اما السيارة بتنطفي كتيييييييير
يعني البني آدم بيشتغل اكتر من السيارة ..
يعني السيارة مرتاحة اكتر من البني آدم بهالدني؟؟
..
..
مو؟؟؟
جاي على بالي صير سيارة..
دمتم بخير
الله يسعدك خيي علوش
شو هالأمنية .. سيارة .
انا عندي جواب استفسارك . في فرق كبير بين الكومجي و الطبيب . او بين الكومجي و اي اختصاص علمي آخر
لما كان الطبيب او المهندس عم يسهر الليل و ما ينام لا بالليل و لا بالنهار . وين كان الكومجي مثلاً . مو تقليل من قيمتو لا و الله . بس لكل شيئ حقه
الطبيب بعد سنوات هائلة من الدراسة و التعب و الإرهاق . آن له ان يعمل بأجر مضاعف عن آجر الكومجي الذي لم يقضي من سنواته اي شيئ بالسهر و الدراسة
الطبيب بعد ان قضى سنوات طويلة بالشقاء . فإن ما تبقى له من سنوات اصبح فيها الوقت مهماً جدا . فهو عندما يتقاضى اجراً . هو يتقاضى ثمن الوقت الذي يصرفه من اجل الناس
۩ ● فراسبينما الكومجي عندما يتقاضى اجرا . فهو يتقاضى ثمن اللصقة التي يضعها على إطار السيارة
انا شخصياً ما بتمنى كون سيارة
انا بتمنى كون طبيب او مهندس . او قانوني محترف
انشالله منشوفك اكبر واحلى مهندس باعالم خيي فراس …
الله يوفقك بامتحاناتك وتخلص على خير ….والله ينولك اللي ببالك…
طيب هلق شو الفرق بين البني ىدم والسيارة؟؟؟؟
۩ ● 3alloushمرحبا خيي علوش
۩ ● aloshكيفك شو أخبارك
طمني عنك
والله بدك الصراحة قنعتي وجهت نظرك
عن جد
رح ضفلك شغلة من باب التسلايه..
كمان غيرل أنو الدكتور بيصلح البني ادم وهوي شغال يعني بعكس الكومجي اللي بيصلح السيارة وهيي مطفيه
بس الدكتور بدو يكون من الأوائل بالبكالوريا وبدو يضل يدرس شي عشر سنين وما بعرف شو …..
أما الكومجي إذا بدو من الابتدائي بيتعلم المصلحة وبيصير يشتغل فيها
شكرا خيي علوش
حبيت اعمل أضافة مو تعليق لأنو بدك الصراحة هلق جايي على بالي احكي
سلااااااااااام..
حلو هالمقال أخي الفاضل
عجبتني شغلة السيارة والبني آدم مشكور
۩ ● samarدمت بخير
هلاأختي …نورتي…
شكرا سمر
۩ ● 3alloushعلوش خيي ….كيفك يا غالي …
منور حبيب القلب …
مشكور لمرورك واضافتك…
۩ ● 3alloushهلاخيي