يا أخي لبنان بلد غريب عجيب..
اليوم الصبحيات كالعادة فقت الساعة 8 شربت القهوة مع امي على البلكون .
……..حملت حالي نزلت عالنادي …أكلت بهدلة من المدرب لاني مانزلت من يومين ..ومشي الحال ..
رجعت عالبيت وعالطريق صرت احلم بالدش البارد النازل على قرعتي ..المهم وصلت عالبيت اخدت دوش سريع ولبست تيابي ونزلت عالمحل…
عملت حوصة تنظيف سريعة بسبب الرصيف اللي عملوه قدام المحل واللي ما اخد مع البلدية الا شهر…!!
بعد ما خلصت ..عملت كاسة متة وقعدت …حطيتها كالعادة على المنار …ما في شي …على الجديد… ما في شي …
قلبت المحطة على الاو تي في وإذ بيكون المذيع مستضيف امين سر شبيبة جورج حاوي واللي هوي (رافي مادايان) قعدت اتسمع على كلام هالزلمة اللي فعلا مثال للسياسي اللبناني..(أنموذج مصغر) للسياسة اللبنانية..
الرجل والشهادة لله كلامو كان متل العسل على قلبي ..كلام صريح وواضح والرجل يعلم انو بموقوفو الى جانب المعارضة هوي مختار طرف الحق
وبالتالي كان وجهو عم يشرشر ثقة هوي وعم يحكي ويبهدل بنسيب لحود وجعجع وغيرون…..
مصمصت كاسة المتة ورجعت صبيت التانية بدون ما ضيف سكر مشان عدل حلاوتها…و اخدت سحبة متة …صفنت شوي واخدتني الافكار الى الوراااااااااااء …أيام ما كانت التفجيرات بلبنان متل شرب القهوة …وبالتحديد لليوم التالي لمقتل جورج حاوي …واللي بيكون السيد رافي مادايان ابن مرتو ….بهداك اليوم طلع مادايان معو ورقة فيها الف وخمسمية كلمة الف منهون على سوريا والباقي على سوريا..يومها اتهم الاخ رافي سوريا باغتيال ابوه وانو سوريا مسؤولة عن كل التفجيرات بلبنان ..وسوريا متعاملة مع اسرائيل و..و..و….
وضل فترة منيحة قبل ما يغير خطابو وينقلب لصف المعارضة ويبلش (على راسي سوريا وناسها)
السؤال ليش انقلب هالشب على جماعة 14 حمار ؟؟؟؟
على ذمتو انو هوي ما بيقبل انو يكون ابوه شهيد من الدرجة التانية ….
طيب يا حباب هاد كان عذرك لتنقلب على جماعة 14 الشهر …طيب كيف اقتنعت انو سوريا ما الا علاقة بمقتل جورج حاوي.؟؟؟
انا هي ما فهمتا ….
رجعت اخدت سحبة من كاسة المتة ..
انقطعت الكهربا …
من قرفي حملت حالي سكرت المحل ورجعت عالبيت ..
قال شو؟؟؟(سييدي حريي استئليل)..
يا أخي الواحد فيكون يحترم حالو ..يحترم جمهورو شوي..يحترم ذكاء كم حمار ماشيين على رأيو …
وأنا ضربت مثل على واحد من المعارضة حاليا …
فكيف اذا باخد امثلة من الموالاة..من الشيخ سوسو (ما بعرف من وين جابولي كلمة شيخ) لحتى صاحب اكسبرس فتفت بسكنة مرجعيون..
بجد ……………………. لبنان من عجائب العالم الثمانية
دمتم بخير
لبنان من عجائب العالم الثمانية
شوبدنا نعمل ونأمل لها الخير
مشكور أخي
۩ ● samarهلا خيتي سمر ..نورتي ..
۩ ● 3alloush